शब्दयात्रा प्रकाशनले २०८३ सालको ‘शब्दयात्रा रत्नदेवी प्रधान फोटो पत्रकारिता सम्मान’ राजभाइ सुवाल (काठमाडौँ) मा समर्पण गर्ने भएको छ । फोटोग्राफी, सिनेमेटोग्राफी, व्यावसायिक विज्ञापन, फेसन, ग्ल्यामर र दृश्यसञ्चारका क्षेत्रमा चार दशक बिताउनुभएका उहाँ सिर्जनात्मक उत्कृष्टता र प्राविधिक दक्षताका आधारमा फोटोग्राफी र सञ्चार क्षेत्रमा महत्त्वपूर्ण योगदान गर्ने फोटोग्राफरका रूपमा परिचित हुनुहुन्छ । यो सम्मान आगामी असोज महिनामा शब्दयात्रा प्रकाशनको सभाकक्ष बनेपामा आयोजना गरिने समारोहमा समर्पण गरिनेछ । यस सम्मानको कोष व्यवस्थापन फोटो पत्रकार हरिगोपाल प्रधान (काठमाडौँ) ले गर्नुभएको हो । सम्मान ग्रहण गर्न स्वीकृति दिएर फोटो पत्रकार राजभाइ सुवालले शब्दयात्रा प्रकाशनलाई गौरवान्वित बनाइदिनुभएको छ ।
राजभाइ सुवाललाई फोटो पत्रकारिता सम्मान समर्पण गरिने
