शब्दयात्रा प्रकाशनले २०७९ सालदेखि काभ्रेपलान्चोक जिल्लाका फोटो पत्रकारलाई पनि कदर गर्ने भएको छ । यसको जानकारी शब्दयात्रा प्रकाशनका संस्थापक अध्यक्ष हरि मञ्जुश्रीले गराउनुभएको हो । अहिलेसम्म हरेक वर्ष शब्दयात्रा प्रकाशनले काभ्रेपलान्चोक जिल्लाका सक्रिय सञ्चारकर्मी दुईजनालाई कदरपत्र प्रदान गर्दै आएकोमा २०७९ सालदेखि एकजना फोटो पत्रकारसमेत थप गरेर हरेक वर्ष ३ जना पत्रकारलाई कदरपत्र प्रदान गर्ने व्यवस्था मिलाइएको जानकारी उहाँले दिनुभएको थियो । काभ्रेपलान्चोक जिल्लाका फोटो पत्रकारका लागि व्यवस्था गरिएको फोटो पत्रकारिता कदरपत्रको आर्थिक व्यवस्थापन अग्रज फोटो पत्रकार तथा शब्दयात्रा प्रकाशनका सञ्चालक सदस्य हरिगापाल प्रधानले गर्ने हुनुभएको हो ।