नेपाली, हिन्दी र अङ्ग्रेजी भाषामा प्रकाशित १९९ वटा पुस्तक, ६५ वटा साहित्यिक पत्रिका र ३२ वटा परिचय पुस्तिका गरी जम्मा २९६ थान पाठ्यसामग्री नियात्राकार पोष चापागाईंले शब्दयात्रा प्रकाशन पुस्तकालयका लागि उपलब्ध गराउनुभएको छ । आज २०८० साल वैशाख २२ गते शुक्रबार आयोजित सम्मान समर्पण तथा पुस्तक सार्वजनिकीकरण समारोहमा उहाँले ती पुस्तकहरू हस्तान्तरण गर्नुभएको हो । पुस्तकालयका तर्फबाट सञ्चालक सदस्य हरिगोपाल प्रधानले पुस्तकहरू ग्रहण गर्नुभएको थियो । यस सहयोगका लागि शब्दयात्रा प्रकाशन परिवारका तर्फबाट उहाँप्रति हार्दिक आभार व्यक्त गर्दछु ।
