शारीरिक रूपमा अत्यन्त अस्वस्थ भएर पनि मनोबल र लगनका कारण साहित्यिक क्षेत्रमा प्रवेश गरेकी काभ्रेली महिला प्रतिभा पूरा श्रेष्ठको दोस्रो पुस्तक कवितासङ्ग्रहका रूपमा ‘पुनर्जन्म’ को प्रकाशन हुने भएको छ । उहाँको पहिलो कृति ‘नयाँ सोच’ लघु–उपन्यासको सार्वजनिकीकरण समारोहमा प्रमुख अतिथि डा. चिन्तामणि योगीले घोषणा गर्नुभएअनुसार शान्ति सेवा आश्रम र गोसाइँस्थान नैमिषारण्य क्षेत्र विकास समितिको आर्थिक सौजन्यमा शब्दयात्रा प्रकाशनको १०० औँ प्रकाशनपुष्पका रूपमा ‘पुनर्जन्म’ को प्रकाशन हुन लागेको हो ।
यही फागुन महिनामा आयोजना गरिने सम्मान समर्पण तथा पुस्तक सार्वजनिकीकरण समारोहमा ‘पुनर्जन्म’ लाई सार्वजनिक गरिने भएको छ ।
