शब्दयात्रा प्रकाशनको १०४ औँ प्रकाशनपुष्पका रूपमा २०७५ भदौमा प्रकाशित ‘पुष्प सौगात’ को दोस्रो संस्करण यही मङ्सिर महिनामा प्रकाशन हुने भएको छ । यसको सम्पादन दामोदर घिमिरेले गर्नुभएको हो ।
काभ्रेली लेखक पुष्पदास स्याउलाको स्मृति र सम्मानमा प्रकाशित उक्त पुस्तकको पहिलो संस्करण ५०० प्रति छापेर सम्पूर्ण पुस्तक पुष्पदास स्याउलाका बालबच्चाको शिक्षादीक्षाका लागि सहयोगार्थ उहाँकी अर्धाङ्गिनी शर्मिला स्याउलालाई हस्तान्तरण गरिएकोमा उक्त पुस्तक बिक्री भइसकेको हुनाले दोस्रो संस्करण प्रकाशित गर्न लागिएको हो ।
दोस्रो संस्करण १००० प्रति छापेर पुनः पुष्पदास स्याउलाका बालबच्चाको शिक्षादीक्षाका लागि सहयोगार्थ उहाँकी अर्धाङ्गिनी शर्मिला स्याउलालाई हस्तान्तरण गरिनेछ ।
‘पुष्प सौगात’ दोस्रो संस्करण छापिँदै
