शब्दयात्रा प्रकाशनले २०७३ सालको पहिलो महिनामा नै तीनवटा पुस्तक प्रकाशित गरेको छ । त्यसमध्ये गणेशबहादुर खत्रीद्वारा लिखित ‘खुलाल खत्रीको खोज’ नामक अनुसन्धानात्मक पुस्तक भक्तपुरमा अवस्थित बागसिंह प्रतिष्ठानसागको सहकार्यमा प्रकाशन गरिएको हो । अन्य दुई पुस्तकहरूमा नेपालको प्रकाशनमा देखिएका विकृति र विसङ्गतिहरूको भण्डाफोर गरी शिवभक्त शर्माद्वारा लेखिएको उहााका अनुभव र अनुभूतिहरूको सङ्ग्रह ‘प्रशासनिक दाउपेच’ र भारत दार्जिलिङको रामकृष्ण कलेजका प्राचार्य डा. सुरेन्द्र पी. श्रेष्ठद्वारा नेपाली भाषामा लिखित ‘लैनसिंह बाङ्देलको उपन्यासकारिताको विश्लेषण र मूल्याङ्कन’ पुस्तकलाई डा. हेमराज काफ्लेद्वारा अङ्ग्रेजी भाषामा अनुवाद गरिएको कृति ‘नोभेलिस्टिक आर्टिस्ट्री अफ लैनसिंह बाङ्देल’ रहेका छन् ।
यी कृतिहरूसहित शब्दयात्रा प्रकाशनद्वारा प्रकाशित पुस्तकहरूको सङ्ख्या ६२ पुगेको छ । पछिल्ला दुई कृतिहरू आगामी जेठमा आयोजना गरिने सम्मान समर्पण तथा पुस्तक सार्वजनिकीकरण कार्यक्रममा सार्वजनिक गरिनेछन् भने अघिल्लो कृतिको सार्वजनिकीकरण बागसिंह प्रतिष्ठानले गर्ने भएको छ ।
तीन पुस्तक प्रकाशित
