शब्दयात्रा प्रकाशनले २०८० सालको जयदेव अधिकारी अनुसन्धान सम्मान पर्वत जिल्लामा जन्मनुभएका राष्ट्रिय प्रतिभा डा. षडानन्द पौड्यालमा समर्पण गर्ने भएको छ । उहाँका धवलागिरिको नेपाली साहित्य, आधुनिक नेपाली कथामा सामाजिक सम्बन्ध, नेपाली आख्यानमा शरीर राजनीति, नेपाली आख्यानमा अमूर्त संस्कृति, नेपाली लोकविश्वास, प्रागैतिहासिक सम्पदा पार्वती जन्मभूमि जस्ता अनुसन्धानात्मक कृतिहरू प्रकाशित छन् । सम्मान ग्रहण गर्न स्वीकृति दिनुभएकोमा अनुसन्धाता डा. षडानन्द पौड्यालप्रति शब्दयात्रा प्रकाशन हार्दिक आभार व्यक्त गर्दछ । हरेक वर्ष समर्पण गरिने यस सम्मानको कोष व्यवस्थापन मोरङका शिक्षासेवी राजेन्द्र विरहीले आफ्ना शिक्षासेवी पिता पण्डित जयदेव अधिकारीको स्मृतिमा गर्नुभएको हो ।
