शब्दयात्रा प्रकाशनले गठन गरेको सम्मान्य व्यक्तित्व चयन समितिको बैठकले आगामी चैत महिनामा सम्मान गरिने व्यक्तित्वहरूको चयन गरेको छ । बैठक आज फागुन २३ गते सम्पन्न भएको हो । समितिमा रामप्रसाद अधिकारी, देवीप्रसाद ढुङ्गाना र पूर्णबहादुर कर्माचार्य हुनुहुन्छ । बैठकमा हरि मञ्जुश्री, कृष्णमणि कुइकेल र सङ्गीता केसीको पनि उपस्थिति थियो । चयन समितिले चयन गरेका व्यक्तित्वहरूलाई नै शब्दयात्रा प्रकाशनले सम्मान गर्नेछ । सम्मान गर्नुपर्ने व्यक्तित्वहरूको चयन गरिदिएकोमा चयन समितिप्रति हार्दिक आभार व्यक्त गर्दछु । सम्मान गरिने व्यक्तित्वहरूको नामोल्लेख पछि क्रमशः गरिनेछ ।
