शब्दयात्रा प्रकाशनले २०८० सालको शब्दयात्रा नन्दिकेश्वर अधिकारी शोध सम्मान डा. श्याम भट्टराई (सर्लाही) मा समर्पण गर्ने भएको छ । यो सम्मान शब्दयात्रा प्रकाशनबाट हरेक वर्ष समर्पण गरिन्छ । शारदा घिमिरे भैल संयोजक तथा गीता अधिकारी र कालिका त्रिपाठी पन्त सदस्य रहने गरी शब्दयात्रा प्रकाशनले गठन गरेको सम्मान्य व्यक्तित्व चयन समितिले यसको निर्णय गरेको हो । यस सम्मानको आर्थिक व्यवस्थापन लेखिका गीता अधिकारीले गर्नुभएको हो । यो सम्मान ग्रहण गर्न स्वीकृति दिनुभएकोमा डा. श्याम भट्टराईप्रति शब्दयात्रा प्रकाशन हार्दिक आभार व्यक्त गर्दछ ।