शब्दयात्रा प्रकाशनबाट बनेपामा स्थापना गरिएका पाँचजना प्रथम शब्दसाधकहरूको सालिक निर्माण गरी स्थापना गर्ने कार्यका लागि आर्थिक सहयोग गर्ने दाताहरूको अभिलेखलाई आगामी २०७७ साल असोज २४ गते शनिबार अनावरण गरिने भएको छ ।
कोरोना महामारीका कारण धेरैजनाको सहभागितामा कार्यक्रम गर्न नहुने भएकाले विशेष सावधानी र सतर्कताका साथ सीमित व्यक्तिहरूको मात्र उपस्थितिमा अभिलेख सार्वजनिक गर्न लागिएको हो ।
नेपालकै पहिलो शिक्षासेवी, पहिलो लोकतान्त्रिक पत्रकार, पहिलो वैज्ञानिक, पहिलो साहित्यिक सहिद र पहिलो गायिकाको सालिक एकै ठाउँमा एकैचोटि एकै संस्थाले स्थापना गरेको ठाउँ नेपालमा बनेपा मात्रै हो । ती सालिकहरूको निर्माण गरी स्थापना गर्ने कार्यका लागि १ सय १६ जना व्यक्ति तथा संस्थाहरूले शब्दयात्रा प्रकाशनलाई आर्थिक सहयोग गर्नुभएको थियो । अभिलेखमा न्यूनतम ५ हजार १ सय रुपियाँसम्म आर्थिक सहयोग गर्नेहरूको नामावली रहेको छ ।
अभिलेखको अनावरण गरिने
