आध्यात्मिक साहित्यकार ढुण्डिराज पोखरेलले लेख्नुभएको ‘मञ्जुश्रीयात्रा’ नामक प्रस्तुत लघुकाव्य यस संस्थाका संस्थापक अध्यक्ष तथा संरक्षण समितिका अध्यक्ष हरि मञ्जुश्रीलाई केन्द्रीय विषयवस्तु बनाई लेखिएको छ । ‘हरि मञ्जुश्री’ बाट ‘मञ्जुश्री’ र ‘शब्दयात्रा’ बाट ‘यात्रा’ शब्द लिई दुवैलाई मिलाएर लघुकाव्यको नाम ‘मञ्जुश्रीयात्रा’ राखिएको छ । यस लघुकाव्यमा शब्दयात्रा प्रकाशनको स्थापना र विकासमा हरि मञ्जुश्रीको योगदानका बारेमा वर्णन गरिएको छ, उहाँको व्यक्तित्वका अन्य विभिन्न आयामहरूमा चाहिँ प्रवेश नगरी सङ्केत मात्र गरिएको छ । कृतिकार स्वयं नै शब्दयात्रा प्रकाशनका आजीवन सदस्य हुनुभएकाले र यस संस्थाका गतिविधिलाई नजिकैबाट अवलोकन गर्नुभएकाले यस काव्यको महत्त्व बढेको छ ।
२७५. मञ्जुश्रीयात्रा
