शब्दयात्रा प्रकाशनका संस्थापक अध्यक्ष हरि मञ्जुश्रीले जीवित छँदै आफ्नो शरीरको हड्डी दान गर्ने नेपाली सन्त लीलादास घिमिरेका विषयमा प्रवचन गर्नुभयो । सनातन वैदिक विवेचना नामक कार्यक्रममा साप्ताहिक रूपमा नेपाली सन्तहरूका विषयमा प्रवचन गर्ने क्रममा उहाँले यो हप्ता ताप्लेजुङ चाँगेका लीलादास घिमिरेका विषयमा प्रवचन गर्नुभएको हो । सन्त लीलादास घिमिरेले सिक्किमका लामाहरूलाई आफ्नो नलिखुट्टाको हाड दान गर्नुभएको थियो । उहाँको हाडलाई भुटानका बौद्ध गुम्बाहरूमा राखिएको छ ।