दुईवटा सालिक बनिसके

शब्दयात्रा प्रकाशनले काभ्रे जिल्लाको बनेपामा स्थापना गर्ने चारजना वाङ्मयसेवीहरूका सालिकमध्ये दुईवटा सालिक शब्दयात्रा प्रकाशनमा प्राप्त भएका छन् । ढुङ्गाबाट निर्मित अद्र्धकदका ती सालिकहरू देवीप्रसाद सापकोटा र कृष्णलाल अधिकारीका हुन् ।
आगामी जेठ महिनाको दोस्रो साताभित्र षडानन्द अधिकारी र मेलवादेवी गुरुङका सालिकहरू पनि निर्माण गरिसकिनेछ । चारैवटा सालिकको निर्माणकार्य सकिएपछि सालिक स्थापना गर्ने कार्य अघि बढाइने भएको छ ।