शब्दयात्रा प्रकाशनका कार्यक्रमको ढाँचा — (१) सुरुमा वैदिक मन्त्रले स्वस्तिवाचन गराएर टीका र भेटीसहित पूजन गर्छौं । (२) संस्थागत गान गाउँछौँ । (३) पुरस्कृत गर्दा शब्दयात्रा पट्ट लगाइदिन्छौँ, सम्मान गर्दा किरीट लगाइदिन्छौँ । (४) दोसल्ला र खादा लगाइदिँदैनौँ, रुद्राक्षमाला प्रयोग गर्छौं । (५) सम्मान र पुरस्कार दुवैमा रकम हुन्छ, तर भेटीका रूपमा चढाउँछौँ । (६) कसैलाई प्रदान गर्दैनौँ, सबैलाई समर्पण गर्छौं । (७) सम्मानित र पुरस्कृत व्यक्तित्वबाट मन्तव्य माग्दैनौँ, लिखित आशीर्वचन माग्छौँ । (८) थैलीमा राखेर पुस्तक सार्वजनिक गर्छौं । (९) सभापतिले पहिले नै बोलेर अनुमति दिएपछि मात्र खास कार्यक्रम सुरु गर्छौं । (१०) अतिथिबाट कार्यक्रमको टिप्पणीसहित सभा विसर्जन गराउँछौँ ।
