शब्दयात्राबाट प्राविधिज्ञ आह्वान
मुनाफा वितरण नगर्ने कम्पनीका रूपमा स्थापना भई राष्ट्रिय स्तरका विभिन्न वाङ्मयिक गतिविधिहरू सञ्चालन गरिरहेको शब्दयात्रा प्रकाशनलाई सूचना–प्रविधिसम्बन्धी सेवा प्रदान गर्न सक्ने एकजना दक्ष प्राविधिज्ञको सेवा आवश्यक भएकाले त्यसका लागि शब्दयात्रा प्रकाशनले एक सूचना प्रकाशित गरेको छ ।
(क) सेवा: सूचना–प्रविधिसम्बन्धी सेवा
(ख) कामको प्रकृति: शब्दयात्रा प्रकाशनका गतिविधिहरू, यस संस्थाद्वारा प्रकाशित पुस्तक–पत्रिकाहरू, यस संस्थासँग सम्बन्धित विभिन्न विधाका प्रतिभाहरूको विज्ञता र सिर्जनाहरू कम्प्युटरमार्फत विद्युतीय माध्यमको प्रयोग गरी राष्ट्रिय तथा अन्तर्राष्ट्रिय सूचना–सन्जालसँग आबद्ध गराउने
(ग) खोजिएको दक्षता: सम्बन्धित विधामा स्नातक तह उत्तीर्ण गरी वेभ डिजाइन, वर्ड प्रेस, लेखनकला, नेपाली र अङ्ग्रेजी भाषा तथा अक्षराङ्कनमा दक्ष
(घ) खोजिएको व्यक्तित्व: स्वप्नद्रष्टा, प्रयोगशील, ऊर्जावान् तथा सकारात्मक सोच र आत्मविश्वासले भरिपूर्ण युवा
(ङ) सेवा–सुविधा: द्विपक्षीय समझदारीका आधारमा गरिने करारअनुसार
(च) कार्यावधि: न्यूनतम एक वर्षसम्म, त्यसपछि कार्यसम्पादनका आधारमा थप गर्न सकिने
(छ) चयन–प्रक्रिया: प्रयोगात्मक र अन्तर्वार्ता
(ज) आवश्यक सामग्री: नागरिकता, शैक्षिक योग्यता र तालिमको प्रमाणपत्रका प्रतिलिपिहरू, व्यक्तिगत विवरण र तस्बिरका साथमा निवेदन
इच्छुक युवाहरूलाई २०७३ साल साउन मसान्तभित्र निवेदन दिन आग्रह गरिएको छ र चयन–प्रक्रियामा सामेल हुन फोन गरेर बोलाइने जानकारी पनि गराइएको छ ।
शब्दयात्राबाट प्राविधिज्ञ आह्वान
