नेपालमा पाइने जडिबुटीहरूको वैज्ञानिक परीक्षण गरी अर्बुद रोगका कोशिकाहरू नष्ट गर्ने जडिबुटीजन्य वनस्पतिहरूको पहिचान गरेर नेपालको विज्ञान–प्रविधि विधामा हुने अनुसन्धानका क्षेत्रमा महत्त्वपूर्ण योगदान गर्नुभएकाले कपिलवस्तुका प्रा. डा. राजेन्द्र ज्ञवालीलाई ‘शब्दयात्रा रामकृष्ण श्रेष्ठ विज्ञान–प्रविधि सम्मान, २०८२’ समर्पण गरियो । यस सम्मानको आर्थिक व्यवस्थापन आफ्ना बुबा रामकृष्ण श्रेष्ठको सम्मानमा काभ्रेपलाञ्चोककी सहकारीकर्मी निर्मला श्रेष्ठले गर्नुभएको हो । सम्मानका क्रममा निर्मला श्रेष्ठले माला र उपहार तथा हरि मञ्जुश्रीले किरीट र अभिवन्दनापत्र समर्पण गर्नुभएको थियो ।
