शब्दयात्राबाट ‘पानी मनकी रानी’

नयाँ कृतिकारहरूलाई उत्प्रेरित र प्रोत्साहित गर्ने क्रममा शब्दयात्रा प्रकाशनले अर्को एउटा कवितासङ्ग्रह प्रकाशन गर्ने भएको छ । काभ्रे जिल्लाबाट महिला कृतिकारहरू पर्याप्त मात्रामा प्रकाशनमा आउन नसकेको परिप्रेक्ष्यमा प्रकाशन हुन लागेको उक्त कवितासङ्ग्रहले काभ्रेली भूमिमा लुकेका महिला साहित्यिक प्रतिभाहरू वैचारिक र शैलीगत रूपमा कति सशक्त छन् भन्ने देखाउनेछ ।
प्रकाशोन्मुख कवितासङ्ग्रहको नाउँ ‘पानी मनकी रानी’ राखिएको छ । ‘पानी मनकी रानी’ नवप्रतिभा कवयित्री सरस्वती शर्मा सुवेदीको पहिलो कवितासङ्ग्रह हो । कवयित्री सुवेदी शिक्षण पेसामा आबद्ध हुनुहुन्छ ।