सिक्किमको गान्तोकबाट काठमाडौँ आउनुुभएका नेपाली भाषा–साहित्यसेवी लेखक, अन्वेषक तथा सांस्कृतिक–आध्यात्मिक अभियन्ता राजेन शिवाकोटीले बनेपामा आएर शब्दसाधक तीर्थको अवलोकन गर्नुभयो । शब्दयात्रा प्रकाशनले नेपाली वाङ्मयका लागि गरेको सुकार्यको चर्चा सुनेकाले शब्दसाधक तीर्थ हेर्न लालायित भएर बनेपा आइपुगेको कुरा उहाँले बताउनुभयो । उहाँलाई संस्थापक अध्यक्ष हरि मञ्जुश्रीले स्वागत गर्दै शब्दयात्रा प्रकाशनका तर्फबाट केही पुस्तक उपहार दिनुभयो । उहाँहरूले अक्षरधाममा बसेर दुई घण्टाजति साहित्यिक वार्तालाप पनि गर्नुभएको थियो ।
सिक्किमे साहित्यकारबाट शब्दसाधक तीर्थको अवलोकन
