शब्दयात्रा प्रकाशनले हरेक वर्ष जेठ महिनाको दोस्रो मङ्गलबार गर्ने गरेको नियमित कार्यक्रम २०७४ सालका लागि आगामी जेठ ९ गते मङ्गलबार बनेपास्थित केएन ब्यान्क्वेटमा गर्ने भएको छ ।
समारोहमा विभिन्न चार विधाका सम्मान समर्पण गरिनुका साथै केही पुस्तकहरू सार्वजनिक गरिनेछन् । त्यस दिन ‘नेपालभूमि साप्ताहिक’ ले ‘सम्मान समर्पण तथा पुस्तक सार्वजनिकीकरण समारोह विशेष पृष्ठ’ प्रकाशन गर्नेछ ।
