शब्दयात्रा प्रकाशनले संस्थापक सदस्य सकुल थापाको संयोजकत्वमा आजीवन सदस्य कृष्णमणि कुइकेल र आजीवन सदस्य शिव बन्जारा सदस्य रहेको तीन सदस्यीय ‘शब्दयात्रा शारदा थापा सभाकक्ष सञ्चालन उपसमिति’ गठन गरेको छ । कृष्णमणि कुइकेलले शब्दयात्रा प्रकाशनका लागि दान गर्नुभएको जग्गामा सकुल थापाले आफ्नी आमा शारदा थापाको स्मृति र सम्मानमा निर्माण गरिदिनुभएको सभाकक्षको सञ्चालन तथा मर्मत–सम्भार आदिको प्रबन्ध मिलाउन उपसमितिको गठन गरिएको हो । उपसमितिमा सदस्य थप गर्नुपरे तीन सदस्यीय उपसमितिले आजीवन सदस्यमध्येबाट दुईजनासम्म थपेर सञ्चालक समितिबाट अनुमोदन गराउने निर्णय गर्दै शब्दयात्रा प्रकाशनको सञ्चालक समितिले ‘शब्दयात्रा शारदा थापा सभाकक्ष सञ्चालन कार्यविधि निर्देशिका, २०७९’ पनि पारित गरेको छ । सभाकक्ष सञ्चालन उपसमितिमा रहनुभएकोमा सकुल थापा, कृष्णमणि कुइकेल र शिव बन्जारामा हार्दिक बधाई छ ।
