शब्दयात्रा प्रकाशनको प्रकाशकत्वमा ‘शिरोवर्ती भरत जङ्गम’ नामक समालोचनात्मक पुस्तक प्रकाशन गर्न लागिएको छ । यस पुस्तकका लेखक प्रजापति तिमिल्सिना हुनुहुन्छ । पुस्तक करिब ५ सय ६० पृष्ठको हुनेछ । शब्दयात्रा प्रकाशनद्वारा प्रकाशित यो १ सय ९१ औँ पुस्तक हो । हरि मञ्जुश्रीद्वारा सम्पादित ‘कालजयी व्यक्तित्व भरत जङ्गम’ नामक अभिनन्दनग्रन्थको आधारभूमिमा यो पुस्तक लेखिएको हो । आगामी मङ्सिर १० गते भरत जङ्गमको ७६ औँ जन्मदिवसको अवसर पारी काठमाडौँको भृकुटीमण्डपमा अवस्थित नेपाल पर्यटन बोर्डको सभाकक्षमा आयोजना गरिने विशेष समारोहमा सम्माननीय राष्ट्रपति श्रीमती विद्यादेवी भण्डारीबाट यस पुस्तकलाई सार्वजनिक गरिनेछ ।