शब्दयात्रा प्रकाशनद्वारा बनेपामा निर्मित शब्दसाधक तीर्थको अवलोकन गर्न नेपालका विभिन्न भागबाट साहित्यकारहरूको आगमन भइरहेको छ । कोरोना महामारी साम्य नभए पनि अक्षरसेवी र अक्षरप्रेमीहरूलाई शब्दसाधक तीर्थको भ्रमण गर्ने चाहनाले बनेपातिर डोहो¥याइरहेको छ ।
यसै क्रममा केही दिनअघि काठमाडौँबाट आई कवि रत्ननिधि रेग्मीले शब्दसाधक तीर्थको अवलोकन गर्नुभयो । उहाँले विभिन्न पाँच विधाका शब्दसाधकहरूको सालिक, शब्दयात्रा स्तम्भ, शब्दयात्रा शारदा मन्दिर र शब्दयात्रा प्रकाशन पुस्तकालयको अवलोकन गर्नुभयो । उहाँले शब्दयात्रा प्रकाशन पुस्तकालयका लागि आफ्ना एक दर्जन पुस्तक उपहारस्वरूप प्रदान गर्नुभयो । ती पुस्तकहरू पं. रमेश अधिकारीले ग्रहण गर्नुभएको थियो ।
यसै गरी झापा जिल्लाका आध्यात्मिक साहित्यकार तीर्थ उप्रेती दम्पतीले पनि केही दिनअघि बनेपामा आई शब्दसाधकहरूको सालिक, शब्दयात्रा शारदा मन्दिर, शब्दयात्रा प्रकाशन पुस्तकालय र शब्दयात्रा स्तम्भको अवलोकन गर्नुभयो । उहाँहरूले संस्थाको सहयोगार्थ १ हजार १ सय रुपियाँ पनि उपलब्ध गराउनुभएको थियो ।
शब्दसाधक तीर्थमा साहित्यकारहरूको अवलोकन
