शब्दयात्रा प्रकाशनद्वारा सञ्चालित नियमित साप्ताहिक प्रवचन कार्यक्रम ‘कर्मयोद्धासँग शब्दसंवाद’ को ६७ औँ शृङ्खला गत २०७५ मङ्सिर १४ गते शुक्रबार शब्दयात्रा प्रकाशनको सभाकक्षमा सम्पन्न भयो । उक्त कार्यक्रममा ‘नेपालभूमि’ राष्ट्रिय साप्ताहिक पत्रिकाका बजार व्यवस्थापक तथा व्यवसायी माधवप्रसाद शर्मा तिवारीले प्रमुख वक्ताका रूपबाट वैदेशिक रोजगारीका पीडाहरू र त्यसले नेपाली समाजमा पारेको प्रभावका साथै नेपालमा विद्युतीय ऊर्जाको बढ्दो सम्भावना र विद्युतीय सामग्रीको व्यवसायका बारेमा बोल्नुभएको थियो ।
अग्रज लोकगायक मच्छेश्वर सापकोटाको सभापतित्व, अग्रज शिक्षासेवी रामप्रसाद अधिकारीको प्रमुख आतिथ्य र लेखक दामोदर घिमिरेको सञ्चालनमा सम्पन्न भएको उक्त कार्यक्रममा शब्दयात्रा प्रकाशनका अध्यक्ष हरि मञ्जुश्री, लेखकद्वय ओतबहादुर खड्का र केदारनाथ तिमल्सिना, ‘नेपालभूमि’ का स्तम्भकार सहदीप पलान्चोके, शब्दयात्रा प्रकाशनका महाप्रबन्धक शारदाप्रसाद शर्मा र सूचना–प्रविधि अधिकृत रोशन मञ्जुश्री अधिकारी, व्यवस्थापनविद् श्री शर्मा मूर्ख, शिक्षासेवी फणीन्द्रराज अधिकारी तथा नवराज पराजुली, पुरुषोत्तम हुमागाईं, विदुर थापा, सुरेश भण्डारी, मञ्जु सापकोटा, रमेश सापकोटा, रीक्षा घिमिरे आदिको समुपस्थिति रहेको थियो ।
