शब्दयात्रा प्रकाशनको नियमित साप्ताहिक प्रवचन कार्यक्रम ‘कर्मयोद्धासँग शब्दसंवाद’ को ७७ औँ शृङ्खला गत २०७५ फागुन १७ गते शुक्रबार दिउँसो शब्दयात्रा प्रकाशनको सभाकक्षमा सम्पन्न भयो । कानुन–व्यवसायी तथा मानव–अधिकारकर्मी कृष्णप्यारी नकर्मी प्रमुख वक्ता रहनुभएको उक्त कार्यक्रमको प्रमुख आतिथ्य शिक्षासेवी तथा कवि पदम दाहाल तथा सभापतित्व समाजसेवी चन्द्रमान सुवालले गर्नुभएको थियो । कार्यक्रमको सञ्चालन लेखक पदमनाथ ढुङ्गानाले गर्नुभएको थियो ।
उक्त कार्यक्रममा शब्दयात्रा प्रकाशनका अध्यक्ष हरि मञ्जुश्री, जग्गादाता कृष्णमणि कुइँकेल, महाप्रबन्धक शारदाप्रसाद शर्मा, ‘नेपालभूमि राष्ट्रिय साप्ताहिक’ का कार्यकारी सम्पादक चूडाप्रसाद चौलागाईं, लेखकहरू केदारनाथ तिमल्सिना, पूर्णबहादुर कर्माचार्य, सहदीप पलान्चोके, पुण्यवती घले, व्यवस्थापनविद् श्री शर्मा मूर्ख तथा छविलाल कुइँकेल, नवराज पराजुली, नानुदेवी कुइँकेल, आनन्द मानन्धर, लालप्रसाद पौड्याल, दीपककुमार उप्रेती, कविता शर्मा, रीक्षा घिमिरे आदिको समुपस्थिति रहेको थियो ।
‘शब्दसंवाद’ मा कृष्णप्यारी नकर्मी
