शब्दयात्रा प्रकाशनको साधारण सभा सम्पन्न

शब्दयात्रा प्रकाशनको दसौँ वार्षिक साधारण सभा आज पुस २८ गते शनिबार सम्पन्न भएको छ । हरि मञ्जुश्रीको अध्यक्षतामा बसेको सभाको समुद्घाटन जयनारायण नेपालले र प्रारम्भ कालिका त्रिपाठी पन्तले गर्नुभएको थियो । सभामा सकुल थापा, सुमन खड्का, शिवप्रसाद बन्जारा, अमृत अधिकारी, शङ्कर मानन्धर, चन्द्रबहादुर खड्का र प्रदीप केसीले मन्तव्य व्यक्त गर्नुभएको थियो । सभाले सञ्चालक समितिको प्रतिवेदन, लेखापरीक्षकको प्रतिवेदन र आगामी वर्षको कार्यक्रम तथा आयव्यय विवरण पारित गर्नुका साथै २०८०–८१ को लेखापरीक्षणका लागि लेखापरीक्षक नियुक्त गरेको छ । सभाले नियमावलीमा केही संशोधन पनि गरेको छ ।