शब्दयात्रा प्रकाशनले तीनवटा पुस्तक मुद्रण गराइरहेको छ । तीमध्ये एउटा पुस्तक हरि मञ्जुश्री सम्पादक तथा दामोदर घिमिरे र चूडाप्रसाद चौलागाईं सहयोगी सम्पादक रहेको ‘डा. इन्दुल केसीको चौथो आयाम’ रहेको छ भने अर्को पुस्तक साधुराम गिरीद्वारा लिखित तथा दामोदर घिमिरेद्वारा सम्पादित ‘मान्छे, प्रकृति र भेगन’ रहेको छ । तेस्रो पुस्तकचाहिँ गीता मञ्जुश्री र दामोदर घिमिरेको लेखनमा ‘बत्तीस कर्मयोद्धा’ रहेको छ ।
उल्लिखित तीनैवटा पुस्तकलाई आगामी जेठ महिनामा आयोजना गरिने सम्मान समर्पण तथा पुस्तक सार्वजनिकीकरण समारोहमा सार्वजनिक गर्ने तयारी गरिएको छ ।
शब्दयात्रा प्रकाशनद्वारा प्रकाशन गरिएका पुस्तकहरूमध्ये ‘डा. इन्दुल केसीको चौथो आयाम’ १२१ औँ, ‘मान्छे, प्रकृति र भेगन’ १२२ औँ र ‘बत्तीस कर्मयोद्धा’ १२३ औँ प्रकाशनपुष्प बनेका छन् ।
शब्दयात्राबाट तीन पुस्तक छापिँदै
