आफ्नी दिदी राधा विष्ट केसी र भिनाजु प्रह्लाद केसी (दुवै दिवङ्गत) को स्मृति र सम्मानमा विदुर विष्ट (काभ्रेपलान्चोक बनेपा, हाल न्युयोर्क अमेरिका) ले एक लाख रुपियाँ पठाइदिनुभएको छ । त्यो रकम विद्वतवृत्तिको अक्षयकोषका रूपमा बैङ्कमा राखी त्यसको ब्याजबाट हरेक वर्ष राधा विष्ट केसी र प्रह्लाद केसीको स्मृतिमा विद्वतवृत्ति प्रदान गरिनेछ । त्यस्तो विद्वतवृत्ति काभ्रेपलान्चोक जिल्लासँग सम्बन्धित कुनै पनि विषयमा अनुसन्धानात्मक सामग्री तयार गर्ने अनुसन्धातालाई दिइनेछ । अनुसन्धानको विषय शब्दयात्रा प्रकाशनले तोक्नेछ । शब्दयात्रा प्रकाशनलाई विश्वास गरेर विद्वतवृत्तिको अक्षयकोषका लागि एक लाख रुपियाँ पठाइदिनुभएकोमा विदुर विष्टप्रति हार्दिक आभार व्यक्त गर्दछु ।