शब्दयात्रा प्रकाशनले ‘शब्दयात्रा बालसाहित्य सम्मान, २०७९’ बालसाहित्यकार विजय चालिसे (काठमाडौँ) लाई समर्पण गर्ने भएको छ । बालबालिकाको उमेरअनुसारको मनोविज्ञानलाई सुहाउँदा खालका बालचित्रकथा, बालजीवनी, बालविज्ञान, बालनाटक, बालकथा, बालविज्ञान–उपन्यास जस्ता फरक–फरक विधामा विभिन्न बालसाहित्यिक पुस्तकहरू लेखी प्रकाशन गराउनुका साथै विश्वका प्रसिद्ध बालकथाहरूलाई नेपाली भाषामा अनुवाद गरी नेपालीभाषी बालपाठकसमक्ष त्यस्ता प्रकाशनहरू प्रस्तुत गरेर नेपाली बालसाहित्यिक क्षेत्रमा विशिष्ट योगदान गर्नुभएको हुनाले उहाँलाई यो सम्मान समर्पण गर्ने निर्णय गरिएको हो । बालसाहित्यकार गोपाल पराजुली (काभ्रेपलान्चोक) ले आफ्ना मातापिता विष्णुमाया — टीकाप्रसाद पराजुलीको स्मृति र सम्मानमा व्यवस्था गरिदिनुभएको अक्षयकोषको ब्याजबाट हरेक वर्ष यो सम्मान समर्पण गरिन्छ । सम्मानित हुन लाग्नुभएकोमा बालसाहित्यकार विजय चालिसेलाई हार्दिक बधाई छ ।