शब्दयात्रा प्रकाशनले बनेपाको शब्दसाधक तीर्थमा निर्माण गरेको राधाकृृष्ण मन्दिरलाई हिजो २०७९ साल मङ्सिर १८ गते आइतबार अनावरण गरिएको छ । मन्दिरको नामकरण गरी ‘अक्षराधीश मन्दिर (राधाकृष्ण देवालय)’ लेखिएको छ । मन्दिरसँग सम्बन्धित केही संरचनाहरूको निर्माणकार्य बाँकी छ, मन्दिर निर्माणमा सहयोग गर्ने भक्तजनको अभिलेख दुई पत्र बनाएर राखिएको छ र सहयोग गर्न वचनबद्ध भक्तजनबाट सहयोग प्राप्त भएपछि उहाँहरूको विवरण तेस्रो अभिलेखपत्रमा राख्न पनि बाँकी छ । तर राधाकृष्ण मन्दिरको अनावरण गर्न अत्यन्त उपयुक्त दिन गीताजयन्ती नै हो भन्ने सुझाव प्राप्त भएकाले निर्माणको सबै कार्य नसकिए पनि गीताजयन्ती र मोक्षदा एकादशीको पावन अवसर पारी हिजो मन्दिरको अनावरण गरिएको हो । संस्थापक अध्यक्ष तथा मन्दिर निर्माणका योजनाकार एवं निर्देशक हरि मञ्जुश्रीले मन्दिरको अनावरण गर्नुभएको हो ।