शब्दयात्रा प्रकाशनले बनेपामा स्थापना गर्न लागेका चारवटा साधकका सालिकहरूको निर्माण गरिसकिएको छ । ललितपृुरको एउटा हस्तकला उद्योगमा ती सालिकहरू बनेका हुन् । हस्तकला उद्यमी सुदर्शन थापाले ढुङ्गालाई सालिकको आकार दिएका हुन् । चारैवटा सालिक शब्दयात्रा प्रकाशनमा राखिएको छ ।
‘जग्गा दानमा पाइयो, सालिकको निर्माण पनि भयो, अब दानमा पाइएको जग्गामा सालिक स्थापना गर्नका लागि आर्थिक स्रोत खोजिँदैछ’, शब्दयात्रा प्रकाशनका अध्यक्ष हरि मञ्जुश्री भन्नुहुन्छ, ‘दाताहरूको नाम र सहयोगको विवरण शिलापत्रमा राखिने हुनाले र नेपालमा नै पहिलोपटक एकै ठाउँमा शिक्षा, साहित्य, सङ्गीत र पत्रकारिता क्षेत्रका प्रथम व्यक्तित्वको सालिक राख्न लागिएकाले सहयोग पाइएला भन्ने लागेको छ ।’
२०७४ सालभित्रमा सालिक स्थापना गरिसक्ने लक्ष्य शब्दयात्रा प्रकाशनले राखेको छ ।
बनिसके चारवटा सालिक
