शब्दयात्रा प्रकाशनले २०८० सालको पद्मकला–भीमप्रसाद भाषासेवा सम्मान सिराहा जिल्लामा जन्मनुभएका राष्ट्रिय प्रतिभा भाषावैज्ञानिक प्रा. डा. योगेन्द्रप्रसाद यादवमा समर्पण गर्ने भएको छ । भाषाविज्ञानसँग सँग सम्बन्धित उहाँका ‘इस्युज इन मैथिली सिन्टेक्स’, ‘लिङ्ग्विस्टिक्स अ बेसिक कोर्स’, ‘भाषाविज्ञान’, ‘थ्योरिज अफ ग्रामर’, ‘कन्टेम्पोररी इस्युज इन नेपालिज लिङ्ग्विस्टिक्स’ जस्ता कृतिहरू प्रकाशित छन् । सम्मान ग्रहण गर्न स्वीकृति दिनुभएकोमा भाषावैज्ञानिक प्रा. डा. योगेन्द्रप्रसाद यादवप्रति शब्दयात्रा प्रकाशन हार्दिक आभार व्यक्त गर्दछ । यसै वर्षदेखि हरेक वर्ष समर्पण गर्ने गरी व्यवस्था गरिएको यस सम्मानको कोष व्यवस्थापन भोजपुरका प्रतिभा लेखक प्रा. लालानाथ सुवेदी र उहाँका भाइहरूले आफ्ना मातापिताको स्मृतिमा गर्नुभएको हो । सम्मान चैत महिनामा समर्पण गरिनेछ ।
