शब्दयात्रा प्रकाशनको २४३ औँ प्रकाशनपुष्पका रूपमा ‘मान्छेभित्रको मान्छे’ नामक कवितासङ्ग्रह प्रकाशन गरिने भएको छ । यो सङ्ग्रह विराटनगरनिवासी कवि प्रकाश खड्काद्वारा लिखित पहिलो कवितासङ्ग्रह हो । उहाँका कविताहरू फुटकर रूपमा प्रकाशित छन् र उहाँका गीतहरू पनि यु–ट्युबबाट सुन्न सकिन्छ । पुस्तकाकार रूपमा चाहिँ यो नै उहाँको पहिलो कृति हो । यस सङ्ग्रहमा उहाँका ४० वटा कवितात्मक सिर्जना समावेश छन् । यो सङ्ग्रह यही माघ २६ गते शनिबार दिउँसो १२ः३० बजे शब्दयात्रा प्रकाशनको सभाकक्ष बनेपामा सार्वजनिक गरिनेछ ।