शब्दयात्रा प्रकाशनका आजीवन सदस्य पदम दाहालले मादी नगरपालिकाबाट दुईवटा पुस्तक प्रकाशन गराउनुभएको छ — ‘गुरुचेला गौरवग्रन्थ’ र ‘सङ्खुवासभाका २७ राजनीतिक योद्धाहरू’ । उहाँले शब्दयात्रा प्रकाशनका संस्थापक अध्यक्ष हरि मञ्जुश्री अधिकारीलाई दुवै पुस्तक दिनुभएको छ । ‘सङ्खुवासभाका २७ राजनीतिक योद्धाहरू’ लेख्ने श्रेय हरि मञ्जुश्री अधिकारीले दिएको कुरा कृतिकारले आफ्नो भूमिकामा र दयानन्द दाहालले आफ्नो मन्तव्यमा उल्लेख गर्नुभएको छ । यसका लागि शब्दयात्रा प्रकाशन परिवार उहाँहरूप्रति हार्दिक आभार व्यक्त गर्दछ । दुवै पुस्तक शब्दयात्रा प्रकाशन पुस्तकालयमा राखिनेछन् । पुस्तक निःशुल्क प्रदान गर्नुभएकोमा पदम दाहालज्यूप्रति शब्दयात्रा प्रकाशन फेरि आभार प्रकट गर्दछ ।