शब्दयात्रा प्रकाशनले काभ्रेपलान्चोक जिल्लाको प्रतिभाका रूपमा तीनजना पत्रकारलाई २०८१ सालको ‘शब्दयात्रा प्रकाशन हरिगोपाल प्रधान कदरपत्र’ समर्पण गरेको छ ।
फोटो पत्रकारिताका माध्यमबाट जन्मजिल्लाको ऐतिहासिक परिचय कायम गराउन सफल हुनुभएकोमा केशवराज पौडेललाई, विद्युतीय पत्रकारिताका माध्यमबाट पत्रकारिताका क्षेत्रमा आफ्नो अमिट छाप राख्न सफल हुनुभएकोमा कपिल कोइरालालाई र छापा पत्रकारिताका क्षेत्रमा योगदान दिई त्यसको व्यवस्थापन कौशलबाट अमिट छाप राख्न सफल हुनुभएकोमा प्रह्लाद शर्मा हुमागाईंलाई कदरपत्र समर्पण गरिएको हो ।
यही मङ्सिर २१ गते आयोजित कार्यक्रममा उहाँहरूलाई कदरपत्र व्यवस्थापक हरिगोपाल प्रधान, राष्ट्रिय फोटो पत्रकार समूहका अध्यक्ष प्रदीपराज वन्त र प्रमुख अतिथि प्रा. डा. कुलप्रसाद कोइरालाले पुष्पमाला, उपहार र प्रमाणपत्र समर्पण गर्नुभएको थियो ।
तीन पत्रकारलाई कदर
