काठमाडौँ विश्वविद्यालयका संस्थापक रजिस्ट्रार, वैज्ञानिक तथा लेखक प्रा. डा. सीताराम अधिकारीले आफ्नी धर्मपत्नी शिक्षासेवी तथा साहित्यकार माधवी अधिकारीको स्मृतिमा कन्या छात्रवृत्तिको व्यवस्था गर्नुभएको छ । काभ्रेपलान्चोक जिल्लाको विद्यालयमा अध्ययन गर्ने गरिब तथा जेहेन्दार छात्रामध्ये एउटी छात्राका लागि उहाँले छात्रवृत्तिको व्यवस्था गर्नुभएको हो । छात्रवृत्ति आगामी २०८० साल वैशाखदेखि शब्दयात्रा प्रकाशनमार्फत प्रदान गरिनेछ । शब्दयात्रा प्रकाशनमार्फत यसबाहेक अन्य दुई छात्रवृत्ति पनि प्रदान गर्ने गरिएको छ । छात्रवृत्तिसम्बन्धी व्यवस्थापनको जिम्मा दिन शब्दयात्रा प्रकाशनलाई पत्यार गर्नुभएकोमा डा. सीताराम अधिकारीप्रति हार्दिक कृतज्ञता ज्ञापन गर्दै उहाँको यस सत्कर्मबाट नारी शिक्षामा जोड दिने माधवी अधिकारीको शिक्षाप्रेमले थप सार्थकता पाउने विश्वास शब्दयात्रा प्रकाशनले व्यक्त गरेको छ ।
डा. सीताराम अधिकारीबाट कन्या छात्रवृत्तिको व्यवस्था
