शब्दयात्रा प्रकाशनको १ सय ७७ औँ प्रकाशनपुष्पका रूपमा ‘जून मामा’ नामक बालकवितासङ्ग्रह र १ सय ७८ औँ प्रकाशनपुष्पका रूपमा ‘धृतराष्ट्रको शुभकामना’ नामक व्यङ्ग्यकवितासङ्ग्रह प्रकाशन हुने भएको छ । यी दुवै कृतिका कृतिकार हरि कोर्काली हुनुहुन्छ । हरि कोर्काली पूर्वप्रशासक हरिकृष्ण खतिवडाको साहित्यिक नाम हो । उहाँ भोजपुर जिल्लाका प्रतिभा हुनुहुन्छ । उहाँले यसअघि ‘नेपाल बन्द’ नामक कवितासङ्ग्रह प्रकाशन गराउनुभएको छ । ‘जून मामा’ मा प्रमोद प्रधानले र ‘धृतराष्ट्रको शुभकामना’ मा डा. गोविन्दराज भट्टराईले मन्तव्य लेख्नुभएको छ ।