चिकित्सा विधामा पनि शब्दयात्रा प्रकाशनले पुरस्कार समर्पण गर्ने

शब्दयात्रा प्रकाशनले चिकित्सा विधामा पनि पुरस्कार समर्पण गर्ने भएको छ । पुरस्कृत चिकित्सकलाई पुरस्कारका रूपमा २५ हजार रुपियाँ, अभिवन्दनापत्र, शब्दयात्रा पट्ट, रुद्राक्षमाला र पुष्पमाला समर्पण गरिनेछ । पुरस्कारको नाउँ ‘शब्दयात्रा डा. भास्कर–रश्मि हुमागाईं चिकित्सा पुरस्कार’ रहनेछ । पुरस्कार यसै वर्षदेखि समर्पण गरिनेछ । यस पुरस्कारको कोष व्यवस्थापन हाडजोर्नी विशेषज्ञ डा. भास्कर हुमागाईंले गर्नुहुनेछ । यस विषयमा हाडजोर्नी विशेषज्ञ डा. भास्कर हुमागाईं र शब्दयात्रा प्रकाशनका बीचमा सम्झौता भइसकेको छ । सम्झौतापत्रमा कोष व्यवस्थापक डा. भास्कर हुमागाईं र शब्दयात्रा प्रकाशनको कार्यसम्पादन समितिका सदस्य इ. रोशन मञ्जुश्री अधिकारीले हस्ताक्षर गर्नुभएको छ ।