हरि मञ्जुश्रीद्वारा लिखित साहित्यिक कृतिहरूका विषयमा त्रिभुवन विश्वविद्यालयबाट स्नातकोत्तर तहमा शोधप्रबन्ध लेख्नुभएका शोधप्रबन्धकारहरूमध्ये पहिलो चरणमा मीरा चापागाईं पौडेल, इन्द्रप्रसाद गौतम, नारायणी दाहाल तिमल्सिना र रूपा मैनालीलाई यही पुस महिनाको ७ गते शनिबार आयोजना गरिने कार्यक्रममा कदर गरिने भएको छ । यो जानकारी यस कार्यको संंयोजन गरिरहनुभएका ‘मध्यमार्ग साप्ताहिक’ पत्रिकाका सम्पादक–प्रकाशक प्रदीप केसीबाट प्राप्त भएको हो । आफूलाई गर्न लागिएको कदर स्वीकार गरिदिनुभएकोमा चारैजना शोधप्रबन्धकारप्रति हार्दिक आभार प्रकट गर्दै अग्रिम बधाई ज्ञापन गर्दछु ।
