शब्दयात्रा प्रकाशनले २०८० सालको प्रथम चरणमा समर्पण गर्ने पुरस्कारका लागि व्यक्तित्व चयन गर्न गीतिभास्कर मच्छेश्वर सापकोटाको संयोजकत्वमा साहित्यकार केदारनाथ तिमल्सिना र इन्जिनियर रोशन अधिकारी सदस्य रहेको तीन सदस्यीय ‘पुरस्करणीय व्यक्तित्व चयन समिति’ गठन गरेको थियो । त्यस समितिले डा. शालिग्राम शर्मा रौतहट प्रतिभा पुरस्कार, जीवनचन्द्र कोइराला सिन्धुली प्रतिभा पुरस्कार, रणलक्ष्मी राष्ट्रिय प्रतिभा पुरस्कार, प्रह्लाद प्याकुरेल काभ्रेपलान्चोक उद्यमशीलता पुरस्कार र हरि मञ्जुश्री दूरदृष्टि नेतृत्व पुरस्कारका लागि व्यक्तित्व चयन गरी शब्दयात्रा प्रकाशनलाई बुझाएको छ । यस सहयोगका लागि चयन समितिप्रति शब्दयात्रा प्रकाशन परिवार हार्दिक आभार व्यक्त गर्दछ ।