हरि मञ्जुश्रीको लेखन तथा सङ्गीतमा तयार भएको अर्को भजन सार्वजनिक गरिएको छ । शब्दयात्रा प्रकाशनको सभाकक्षमा आज २०८२ साल मङ्सिर १० गते बुधबार आयोजित समारोहमा गायक वसन्त कुइकेलले यस भजनको सार्वजनिकीकरण गर्नुभएको हो । यो भजन शब्दयात्रा प्रकाशनद्वारा उत्पादित २२ औँ साङ्गीतिक प्रस्तुति हो । भजनलाई ‘गणेशप्रार्थना’ भनिएको छ । यस भजनमा मच्छेश्वर सापकोटाको सुपरिवेक्षण र बालकृष्ण सेवाचार्यको बाद्यसंयोजन तथा रोशन मञ्जुश्री अधिकारीको सम्पादन र वसन्त कुइकेलको स्वर रहेको छ । वसन्त कुइकेलको मात्र स्वर रहेको यो पहिलो भजन हो । यसअघि उहाँले गायिका रश्मि हुमागाईंसँग ‘फूल हुँ भगवान्’ गाउनुभएको थियो ।