शब्दयात्रा प्रकाशनले २०८३ सालको ‘शब्दयात्रा दुर्गाप्रसाद–युगला अधिकारी आध्यात्मिक लेखक सम्मान’ केदारनाथ तिमल्सिना (काभ्रेपलाञ्चोक) मा समर्पण गर्ने भएको छ । उहाँले आध्यात्मिक क्षेत्रका विभिन्न पुस्तकहरू लेखी प्रकाशन गराइसक्नुभएको छ । यो सम्मान आगामी असोज महिनामा शब्दयात्रा प्रकाशनको सभाकक्ष बनेपामा आयोजना गरिने समारोहमा समर्पण गरिनेछ । यस सम्मानको कोष व्यवस्थापन दुर्गाप्रसाद–युगला अधिकारीका छोरा हरि मञ्जुश्री (काभ्रेपलाञ्चोक) ले गर्नुभएको हो । सम्मान ग्रहण गर्न स्वीकृति दिएर आध्यात्मिक लेखक केदारनाथ तिमल्सिनाले शब्दयात्रा प्रकाशनलाई गौरवान्वित बनाइदिनुभएको छ । स्मरणीय छ — दुर्गाप्रसाद अधिकारी विभिन्न आध्यात्मिक पुस्तकहरूका लेखक हुनुहुन्थ्यो ।
केदारनाथ तिमल्सिनालाई आध्यात्मिक लेखक सम्मान समर्पण गरिने
