शब्दयात्रा प्रकाशनले सिन्धुली जिल्लाको कमला सामुदायिक पुस्तकालयलाई एक दर्जन पुस्तक सहयोगस्वरूप प्रदान गरेको छ । ती पुस्तकहरू पुस्तकालयका तर्फबाट कमलामाई नगरपालिकाका पूर्वनगरप्रमुख खड्गबहादुर खत्रीले ग्रहण गर्नुभएको छ । पुस्तकालयलाई उपलब्ध गराएका पुस्तकहरू हरि मञ्जुश्रीद्वारा सम्पादित ‘शब्दचित्रमा मोहन दुवाल’ र ‘नेपालपथ’, श्याम अधिकारीको ‘झापाली आमा’ र ‘आर्यजातिको आदिम वैदिक सामाजिक प्रणाली’, वेदकुमारी न्यौपानेको ‘कुल्चिएका फूलहरू’, डा. गोपाल पौड्याल मन्डनेको ‘अमरज्योति’, टीकादत्त बरालको ‘महाकवि देवकोटाका काव्यको अध्ययन’, डा. शालिग्राम शर्माको ‘अहर्निश उकालो’, ‘देहात तापेर आयुर्वेद’ र ‘पहिलो अस्पताल’, श्रीधर प्याकुरेलको ‘पञ्चतन्त्र’ तथा माधवप्रसाद चापागाईंको ‘नजोडिएको सम्बन्ध’ रहेका छन् ।