शब्दयात्रा प्रकाशनले २०८३ सालको ‘शब्दयात्रा नीलकण्ठेश्वर कृष्णमणि आध्यात्मिक संस्था सम्मान’ बृहत् शान्तिधाम नेपाल (काठमाडौँ) नामक संस्थामा समर्पण गर्ने भएको छ । बृहत् शान्तिधाम नेपालले काठमाडौँ जिल्लाको तारकेश्वर नगरपालिका क्षेत्रमा विभिन्न मन्दिरहरूको निर्माण र अन्य कार्यक्रमहरूको सञ्चालन गरी धार्मिक पर्यटन र आध्यात्मिक जागरणका क्षेत्रमा महत्त्वपूर्ण योगदान गरेको छ । यो सम्मान आगामी असोज महिनामा शब्दयात्रा प्रकाशनको सभाकक्ष बनेपामा आयोजना गरिने समारोहमा समर्पण गरिनेछ । यस सम्मानको कोष व्यवस्थापन शब्दयात्रा प्रकाशन (काभ्रेपलाञ्चोक) ले गरेको हो । सम्मान ग्रहण गर्न स्वीकृति दिएर बृहत् शान्तिधाम नेपालले शब्दयात्रा प्रकाशनलाई गौरवान्वित बनाइदिएको छ ।
बृहत् शान्तिधाम नेपाललाई आध्यात्मिक संस्था सम्मान समर्पण गरिने
