शब्दयात्रा प्रकाशनका संस्थापक अध्यक्ष हरि मञ्जुश्रीलाई वासु शशी स्मृति परिषद्ले हिजो पुरस्कृत गरेको छ । उहाँलाई २५ हजार रुपियाँसहित कृष्ण–सरस्वती साहित्य पुरस्कार, २०८२ द्वारा पुरस्कृत गरिएको हो । नेपाल प्रज्ञाप्रतिष्ठानको सभाकक्ष कमलादी काठमाडौँमा आयोजित समारोहमा उहाँलाई विशेष अतिथि यादव खरेलले रकम, माला र प्रमाणपत्र प्रदान गर्नुभएको थियो । पुरस्कृत भएपछि मन्तव्य व्यक्त गर्ने क्रममा हरि मञ्जुश्रीले आफू कृष्ण जोशीको जिल्लामा जन्मेको, वासु शशीको जिल्लामा आएर शिक्षा र क्षमता प्राप्त गरेको र यादव खरेलको जिल्लामा पु्गेर त्यसको उपयोग गरेको हुनाले यो पुरस्कार आफ्ना लागि विशेष रहेको बताउनुभएको थियो ।
सम्मान समर्पण तथा पुस्तक र गान सार्वजनिकीकरण कार्यक्रम सम्पन्न
शब्दयात्रा प्रकाशनको आयोजनामा यही चैत १४ गते शनिबार सम्मान समर्पण तथा पुस्तक र गान सार्वजनिकीकरण कार्यक्रम सम्पन्न गरियो । कार्यक्रममा विभिन्न सात विधाका सम्मान सातजना राष्ट्रिय प्रतिभामा समर्पण गरियो भने एउटा पुस्तक र एउटा गान सार्वजनिक गरियो । कार्यक्रमको सञ्चालन हरि मञ्जुश्रीबाट र समापन प्रा. डा. हेमाङ्गराज अधिकारीबाट गरिएको थियो । कालिका त्रिपाठी पन्तको सभापतित्वमा सम्पन्न उक्त कार्यक्रममा सरस्वती सापकोटाले समुद्घाटन, केदारनाथ तिमल्सिनाले रुद्राक्षमाला अर्पण, अमृत अधिकारीले छायाङ्कन तथा स्वराङ्गन र निर्मला श्रेष्ठले सम्मान सामग्रीको व्यवस्थापन गर्नुभएको थियो । गोपाल पराजुली, जयदेव अधिकारी, पद्मकला–भीमप्रसाद सुवेदी र रुद्रलाल शर्मा धितालको तस्बिरमा पुष्पार्पण गरिएको उक्त कार्यक्रममा चयन समितिका सदस्यहरूलाई लोकेन्द्र ढकालले उपहार समर्पण गर्नुभएको थियो । नवराज दाहाल ‘उत्साही’ ले सार्वजनिक गरिएको कृतिको व्यवस्थापन गर्नुभएको थियो भने शैलेन्द्र सिम्खडाले हास्यव्यङ्ग्य कविता प्रस्तुत गर्नुभएको थियो । कार्यक्रममा डा. नारायणप्रसाद खनाल, चन्द्रप्रसाद न्यौपाने, लक्ष्मी उप्रेती, बालिका गिरी, जीतबहादुर श्रेष्ठ, उर्मिला ढुङ्गाना सुवेदी र अकुर शाहले शब्दयात्रा प्रकाशन पुस्तकालयका लागि पुस्तकहरू उपहार प्रदान गर्नुभएको थियो र पुस्तकालयका तर्फबाट हरिगोपाल प्रधान, शिव बन्जारा र प्रजापति तिमिल्सिनाले ती पुस्तकहरू ग्रहण गर्नुभएको थियो ।
हरि मञ्जुश्रीका जागरण गान सार्वजनिक
डा. इन्दुुल केसीद्वारा लिखित ‘हरि मञ्जुश्रीका जागरण गान’ नामक पुस्तक यही चैत १४ गते शनिबार सार्वजनिक गरिएको छ । कृतिकार डा. इन्दुल केसी र अनुसन्धाता लालबहादुर भुजेलले उक्त पुस्तक संयुक्त रूपमा सार्वजनिक गर्नुभएको हो । सार्वजनिकीकरण कार्यक्रम शब्दयात्रा प्रकाशनको सभाकक्षमा भएको थियो । ‘हरि मञ्जुश्रीका जागरण गान’ शब्दयात्रा प्रकाशनद्वारा प्रकाशित २७१ औँ पुस्तक हो । कार्यक्रममा कृतिकार डा. इन्दुल केसीले कृति र कृतिनायकका बारेमा बताउनुभएको थियो ।
नयाँ प्रकारको गान ‘ए रुद्र ओ रुद्र’ सार्वजनिक
नयाँ प्रकारको गान ‘ए रुद्र ओ रुद्र’ आज चैत १४ गते शनिबार सार्वजनिक गरिएको छ । शब्दयात्रा प्रकाशनको सभाकक्षमा आज आयोजित कार्यक्रममा गानका सुपरिवेक्षक गीतिभास्कर मच्छेश्वर सापकोटाको उपस्थिचिमा यस गानका गायक वसन्त कुइकेलले गानलाई सार्वजनिक गर्नुभएको हो । यस गानमा राष्ट्रभरि व्याप्त विकृति, विसङ्गति र भ्रष्टतालाई निर्मूल पार्नका लागि जाग्रत हुन आह्वान गरिएको छ । हरि मञ्जुश्रीद्वारा लिखित तथा सङ्गीतबद्ध यो गान शब्दयात्रा प्रकाशनको यु–ट्युब च्यानल अक्षरधामबाट सुन्न पाइन्छ ।
प्रोजेक्टर र पाठ्यसामग्रीहरू प्राप्त
शब्दयात्रा प्रकाशनमा अग्रज समाजसेवी तथा साहित्यसेवी सावित्री जङ्गम थापाद्वारा संस्थापित योगदानी महिला अनुसन्धान केन्द्रका लागि प्रोजेक्टर र पाठ्यसामग्रीहरू उपहारस्वरूप प्राप्त भएका छन् । ती सामग्रीहरू दिदीबहिनी संस्थाका तर्फबाट अध्यक्ष सलोनी प्रधान सिंहले प्रदान गर्नुभएको हो । पाठ्यसामग्रीहरूमा योगदानी महिलाका विषयमा अनुसन्धान गर्दा आवश्यक पर्ने पुस्तक, पत्रिका, स्मारिका र प्रतिवेदनहरू छन् । प्रोजेक्टर र पाठ्यसामग्रीहरू प्रदान गर्नुभएकोमा शब्दयात्रा प्रकाशन परिवार समाजसेवी तथा महिला अधिकारकर्मी सलोनी प्रधान सिंहप्रति हार्दिक आभार व्यक्त गर्दछ ।
चैत १४ गते सम्मान समर्पण तथा पुस्तक र गान सार्वजनिक गरिने
शब्दयात्रा प्रकाशनले यही चैत १४ गते शनिबार सम्मान समर्पण समारोहको आयोजना गर्ने भएको छ । समारोहमा डा. हेमाङ्गराज अधिकारी (भोजपुर), रामबाबु सुवेदी (कास्की), डा. नारायणप्रसाद खनाल (प्युठान), चन्द्रप्रसाद न्यौपाने (सिन्धुपाल्चोक), शैलेन्द्र सिम्खडा (धादिङ), लालबहादुर भुजेल (लमजुङ) र साहित्यिक पत्रिका ‘वनिता’ (मोरङ) लाई सम्मान समर्पण गरिनेछ । उक्त कार्यक्रममा एउटा आध्यात्मिक गान र एउटा पुस्तक सार्वजनिक पनि गरिनेछ । कार्यक्रम बनेपामा अवस्थित शब्दयात्रा प्रकाशनको सभाकक्षमा दिउँसो १२ः३० बजे प्रारम्भ गरिनेछ ।
डा. नारायणप्रसाद खनाललाई समालोचना सम्मान समर्पण गरिने
नेपाली साहित्यको समालोचना विधामा गर्नुभएको विशिष्ट योगदानका लागि समालोचक डा. नारायणप्रसाद खनाल (प्युठान) लाई शब्दयात्रा प्रकाशनले २०८२ सालको समालोचना सम्मान समर्पण गर्ने भएको छ । यस सम्मानका लागि गीतकार हरिगोपाल प्रधानले कोषको व्यवस्था गर्नुभएको हो । सम्मान यही चैत महिनामा शब्दयात्रा प्रकाशनको सभाकक्ष बनेपामा आयोजना गरिने समारोहमा समर्पण गरिनेछ । सम्मान ग्रहण गर्न स्वीकृति दिनुभएकोमा शब्दयात्रा प्रकाशन परिवार समालोचक डा. नारायणप्रसाद खनालप्रति हार्दिक आभार व्यक्त गर्दछ ।
डा. हेमाङ्गराज अधिकारीलाई भाषासेवा सम्मान समर्पण गरिने
शब्दयात्रा प्रकाशनले नेपाली भाषा–साहित्यका क्षेत्रमा गर्नुभएको विशिष्ट योगदानका लागि भाषासेवी डा. हेमाङ्गराज अधिकारी (भोजपुर) लाई ‘शब्दयात्रा भीमप्रसाद–पद्मकला सुवेदी भाषासेवा सम्मान, २०८२’ समर्पण गर्ने भएको छ । यस सम्मानका लागि कोषको व्यवस्था लेखक प्रा. लालानाथ सुवेदी र उहाँका भाइहरूले आफ्ना पितामाताको स्मृति र सम्मानमा गर्नुभएको हो । सम्मान यही चैत महिनामा शब्दयात्रा प्रकाशनको सभाकक्ष बनेपामा आयोजना गरिने समारोहमा समर्पण गरिनेछ । सम्मान ग्रहण गर्न स्वीकृति दिनुभएकोमा शब्दयात्रा प्रकाशन परिवार भाषासेवी डा. हेमाङ्गराज अधिकारीप्रति हार्दिक आभार व्यक्त गर्दछ ।
वनितालाई साहित्यिक पत्रिका सम्मान समर्पण गरिने
शब्दयात्रा प्रकाशनले साहित्यिक पत्रकारिताका क्षेत्रमा गरेको विशिष्ट योगदानका लागि साहित्यिक पत्रिका ‘वनिता’ (मोरङ) लाई ‘शब्दयात्रा कृष्णलाल अधिकारी साहित्यिक पत्रिका सम्मान, २०८२’ समर्पण गर्ने भएको छ । कवि योगेन्द्र खत्रीले यस सम्मानका लागि कोषको व्यवस्था गर्नुभएको हो । सम्मान यही चैत महिनामा शब्दयात्रा प्रकाशनको सभाकक्ष बनेपामा आयोजना गरिने समारोहमा समर्पण गरिनेछ । ‘वनिता’ को सम्मान ग्रहण गर्न स्वीकृति दिनुभएकोमा शब्दयात्रा प्रकाशन परिवार सम्पादक लक्ष्मी उप्रेतीप्रति हार्दिक आभार व्यक्त गर्दछ ।
लालबहादुर भुजेललाई अनुसन्धान सम्मान समर्पण गरिने
शब्दयात्रा प्रकाशनले ठाडोभाका लोकगायनका विषयमा गर्नुभएको अनुसन्धानका लागि अनुसन्धाता लालबहादुर भुजेल (लमजुङ) लाई ‘शब्दयात्रा जयदेव अधिकारी अनुसन्धान सम्मान, २०८२’ समर्पण गर्ने भएको छ । शिक्षासेवी राजेन्द्र विरहीले आफ्ना पिताको स्मृति र सम्मानमा यस सम्मानका लागि कोषको व्यवस्था गर्नुभएको हो । सम्मान यही चैत महिनामा शब्दयात्रा प्रकाशनको सभाकक्ष बनेपामा आयोजना गरिने समारोहमा समर्पण गरिनेछ । सम्मान ग्रहण गर्न स्वीकृति दिनुभएकोमा शब्दयात्रा प्रकाशन परिवार अनुसन्धाता लालबहादुर भुजेलप्रति हार्दिक आभार व्यक्त गर्दछ ।