केदारनाथ तिमल्सिनाले तयार पार्नुभएको पुस्तिका ‘भागवत ः एक परिचय’ श्रीमद्भागवतको परिचय गराउन समर्थ छ । श्रीमद्भागवतमा कतिवटा स्कन्ध छन्, कुन–कुन स्कन्धमा कति–कति अध्याय छन्, कुन–कुन स्कन्धको कुन–कुन अध्यायमा कुन–कुन विषयवस्तुसँग सम्बन्धित कथा वा घटनाक्रम वा विवरणहरू छन् भन्ने कुराको जानकारी यस पुस्तिकाबाट पाठकवर्गले सजिलै पाउन सक्छन् । तसर्थ भागवतको परिचय पाउन चाहने हरेक पाठकका लागि यो पुस्तिका राम्रो स्रोतसामग्री बनेको छ ।