कवि अच्युत अधिकारीको प्रस्तुत कवितासङ्ग्रह ‘मेनका’ जम्मा ४८ पृष्ठको छ र यसमा ३० वटा गद्यकविता छन् । तीमध्ये व्यक्तिसँग सम्बन्धित दुइटा (बद्रीविक्रम थापा र सुभाष खड्का) र संस्थासँग सम्बन्धित एउटा (शब्दयात्रा प्रकाशन) कविता यसमा परेका छन् । विविध विषयवस्तुमा लेखिएका यी कविताहरूमा कविले सरल शब्दावलीमा आफ्ना भावहरू प्रकट गर्नुभएको छ । सामान्य पाठकले पनि सजिलै बुझ्ने गरी लेखिएका यस सङ्ग्रहभित्रका कविताहरूले कवि अच्युत अधिकारीको विचार, शैली र भाषाको प्रतिनिधित्व गरेका छन् ।
