हरि मञ्जुश्रीको मोती महोत्सव चैत २८ गते गरिने

शब्दयात्रा प्रकाशनका संस्थापक अध्यक्ष हरि मञ्जुश्रीको मोती महोत्सव समारोह आगामी चैत २८ गते सार्वजनिक रूपमा मनाइने भएको छ । त्यस दिन करिब ६ सय पृष्ठको ‘शब्दकलाका नायक’ नामक हरि मञ्जुश्री स्मारकग्रन्थ सार्वजनिक गरी उहाँमा नवीन उपाधि प्रदान गरिनेछ भने पाँच दर्जन विभिन्न संस्थाहरूले उहाँमा सम्मानपत्र समर्पण गर्नेछन् । कार्यक्रमको आयोजना नेपालका शैक्षिक शिरोभूषण डा. सुरेशराज शर्मा सल्लाहकार, भ्रष्टाचारविरोधी अभियन्ता भरत जङ्गम संयोजक, समाजसेवी निर्मला श्रेष्ठ सचिव तथा हिरण्य भोजपुरे, हरिगोपाल प्रधान, प्रा. सुरेशराज चालिसे, सुनील सापकोटा, सावित्री जङ्गम थापा, सकुल थापा, रामप्रसाद अधिकारी, मच्छेश्वर सापकोटा, बेलप्रसाद श्रेष्ठ, बुद्धरत्न मानन्धर, पोष चापागाई, नवीना श्रेष्ठ, द्रोणप्रसाद श्रेष्ठ, जीवनचन्द्र कोइराला, चेतनाथ धमला, चन्द्रबहादुर खड्का, घनश्याम राजकर्णिकार, गोपाल पराजुली, गणेश रसिक, केशव अर्याल, किरण थापा, कान्ता भट्टराई, उर्मिला श्रेष्ठ, डा. इन्दुल केसी, इन्द्रमणि अधिकारी, अरुणकुमार पाण्डे र अमृत अधिकारी सदस्य रहेको २९ सदस्यीय ‘साहित्यकार तथा भाषासेवी हरि मञ्जुश्री मोती महोत्सव समारोह समिति’ ले गर्नेछ । कोभिडको जोखिम बढ्दै गएकाले पूर्ण सुरक्षा सतर्कताका साथ कार्यक्रम सम्पन्न गरिने भएको छ । गत असोजमा गरिने भनिएको कार्यक्रम कोभिडका कारणले पछि सरेको थियो ।