शब्दयात्रा प्रकाशनद्वारा विपत्तिपीडित लेखक, पत्रकार र कलाकारहरूलाई आर्थिक सहयोग गर्न संस्थापित अक्षरसेवी सहयोग कोषको अक्षयकोषका लागि धुलिखेलनिवासी समाजसेवी डा. केशवबहादुर खुलाल छेत्रीले पिता टीकाबहादुर खुलाल छेत्री र माता रमाकुमारी खुलाल छेत्रीको स्मृति र सम्मानमा २ लाख ७ हजार ७ सय ७७ रुपियाँ उपलब्ध गराउनुभएको थियो । त्यससम्बन्धी सम्झौतापत्रमा दाता डा. केशवबहादुर खुलाल छेत्री र शब्दयात्रा प्रकाशनका तर्फबाट सञ्चालक समितिका सदस्य हरिगोपाल प्रधानले हस्तखत गरी सम्झौतापत्र आदानप्रदान गर्नुभएको छ । सम्झौतापत्रमा त्यस कोषको ब्याजबाट प्राप्त रकम प्राकृतिक प्रकोप लगायत कुनै पनि प्रकारले आपतविपतमा परेका लेखक, पत्रकार र कलाकारहरूलाई शब्दयात्रा प्रकाशनको कार्यविधि अनुसार प्रदान गरिने कुरा उल्लेख गरिएको छ ।