शब्दयात्रा प्रकाशनको आयोजनामा अन्तर्राष्ट्रिय महिला दिवसको अवसर पारी हिजो २०८२ फागुन २४ गते आइतबार शब्दसाधना प्रस्तुतीकरण कार्यक्रमको चौथो शृङ्खला सम्पन्न गरियो । शब्दयात्रा प्रकाशनको सभाकक्ष बनेपामा दिउँसो १२ः३० बजे प्रारम्भ गरिएको कार्यक्रमको समापन २ बजे गरिएको थियो । जग्गादाता तथा कार्यवाहक अध्यक्ष कृष्णमणि कुइकेलको सभापतित्वमा अमृत अधिकारीद्वारा सञ्चालित उक्त कार्यक्रममा एउटा राष्ट्रभक्ति गान र पाँचवटा पुस्तकलाई सार्वजनिक गरियो भने एकजनालाई सम्मान समर्पण गरियो । कार्यक्रमको छायाङ्कन तथा स्वराङ्कन इन्जिनियर तथा गायक रोशन मञ्जुश्री अधिकारीले र समुद्घाटन गायिका सरस्वती सापकोटाले गर्नुभएको थियो । कार्यक्रमका विषयमा संस्थापक अध्यक्ष हरि मञ्जुश्रीले जानकारी गराउनुभएको उक्त कार्यक्रमको विसर्जन गीतिभास्कर मच्छेश्वर सापकोटाले गर्नुभएको थियो ।