अग्रज समाजसेवी तथा लेखक बेलप्रसाद श्रेष्ठले शब्दयात्रा प्रकाशनको सम्मान कोषमा एक लाख पन्ध्र हजार रुपियाँ र यस वर्षको सम्मानका लागि थप दस हजार रुपियाँ गरी जम्मा एक लाख पच्चीस हजार रुपियाँ उपलब्ध गराउनुभएको छ । त्यसैले कोषको अभावमा अनियमित भइरहेको दानशीलता सम्मान यसै वर्षदेखि ‘शब्दयात्रा बेलप्रसाद श्रेष्ठ दानशीलता सम्मान’ नाउँले यही कोषबाट नियमित रूपमा हरेक वर्ष समर्पण गर्न सकिने भएको छ । शब्दयात्रा प्रकाशनका तर्फबाट गरिएको आग्रह स्वीकार गरी सम्मानको निरन्तरताका लागि रकम प्रदान गर्नुभएकोमा बेलप्रसाद श्रेष्ठप्रति शब्दयात्रा प्रकाशन परिवार हार्दिक आभार व्यक्त गर्दछ ।